Millət vəkilləri

***

Ziyafət Abbas oğlu Əsgərov-  1963-cü il oktyabrın 24-də Naxçıvan Muxtar Respublikası  Babək  rayonunun  Aşağı Uzunoba kəndində anadan olmuşdur.  Azərbaycan Dövlət Universitetinin hüquq fakültəsini bitirmişdir.
1995-ci ildə Azərbaycan Respublikasının ilk milli Konstitusiyasını işləyib hazırlayan Komissiyanın işçi qrupunun üzvü olmuşdur.
Azərbaycan Respublikasının Dövlət Qulluğunu İdarəetmə Şurası yanında Korrupsiyaya qarşı mübarizə üzrə komissiyanın üzvüdür.
1990-cı ildən Bakı Dövlət Universitetində konstitusiya hüququ kafedrasının müəllimi, baş müəllimi, dosenti, kafedra müdirinin müavini, hüquq fakültəsi dekanının müavini vəzifələrində çalışmışdır. Hazırda BDU-nun konstitusiya hüququ kafedrasının professorudur.
Yeni Azərbaycan Partiyası Siyasi Şurasının üzvüdür.
Birinci və ikinci çağırış Azərbaycan Respublikası Milli Məclisinin deputatı olmuş, 2000-ci il noyabrın 24-dən 2020-ci il tarixədək parlament Sədrinin müavini vəzifəsində çalışmışdır. Milli Məclisin Təhlükəsizlik və müdafiə məsələləri daimi komissiyasının sədridir.
2005-ci il noyabrın 6-da 76 saylı Lənkəran-Astara seçki dairəsindən üçüncü çağırış Azərbaycan Respublikası Milli Məclisinin deputatı seçilmişdir.
2010-cu il noyabrın 7-də 76 saylı Lənkəran-Astara seçki dairəsindən dördüncü çağırış Azərbaycan Respublikası Milli Məclisinin deputatı seçilmişdir.

2020-ci il fevralın 9-da 76 saylı Lənkəran-Astara seçki dairəsindən dördüncü çağırış Azərbaycan Respublikası Milli Məclisinin deputatı seçilmişdir.
2005-ci il dekabrın 2-dən 2020-ci il tarixədək Azərbaycan Respublikası Milli Məclisi Sədrinin birinci müavini olmuşdur. NATO-nun Parlament Assambleyasında Azərbaycan nümayəndə heyətinin rəhbəridir.
Evlidir, 2 övladı var.

***

Rüfət Atakişi oğlu Quliyev -1963-cü il 6 may  tarixdə Bakı şəhərində anadan olmuşdur. 1981-ci ildə T.Q.Şevçenko adına Kiyev Milli Universitetinin İqtisadiyyat Fakültəsinə daxil olub. 1986-cı ildən təhsilini bitirdikdən sonra o, hazırda professor olduğu "İqtisadi nəzəriyyə və iqtisadiyyatın dövlət tənzimlənməsi" kafedrasında, Azərbaycan Texniki Universitetində pedaqoji fəaliyyətə başlamışdır.
1995-ci ildən namizəd və 2004-cü ildən isə İqtisad elmləri doktorudur. Azərbaycan Texniki Universiteti və Taras Şevçenko adına Kiyev Milli Universitetinin professorudur. 200-dən çox elmi əsər müəllifidir (o cümlədən 7 monoqrafiyanın, 4 dərs vəsaitinin, 3 broşüranın) və bunlardan 37 iş ABŞ, Türkiyə, Rusiya, Ukrayna, Çexiya, Slovakiya, Latviya, Qazaxıstan və digər ölkələrin nüfuzlu elmi jurnallarında çap olunmuşdur. O, Nitse, London, Kiyevdə təşkil edilən elmi simpoziumlarda, habelə Azərbaycan tərəfindən Böyük Britaniya, İtaliya, Çin Xalq Respublikası, Küveyt, Almaniya, Şimali Kipr, Latviya, Moldova, Qazaxıstan, BƏƏ-də təşkil edilən konfranslarda iştirak etmişdir.
2003-cü ildən Azərbaycanda İxracın və İnvestisiyaların Təşviqi Himayəçiləri Şurasının üzvü və 2005-ci ildən isə Azərbaycan və Türkiyə İş Adamları Birliyinin həmsədridir.
2005,2010 və 2020-ci illərdə Azərbaycan Respublikasının Milli Məclisinə millət vəkili seçilmiş və İqtisadi siyasət komitəsinin üzvüdür. O, həmçinin MDB Parlamentlərarası Assambleyasının Siyasi məsələlər və Beynəlxalq Əməkdaşlıq Daimi Komissiyasının sədr müavini və GUAM-ın Elm, Mədəniyyət və Təhsil üzrə Komitəsinin üzvüdür.
Azərbaycan, rus və ingilis dillərini mükəmməl bilir. Evlidir, 2 övladı var.

***

Cavanşir Hümmət oğlu Paşazadə -1953- cü il aprelin 12-də  Lənkəran rayonu, Cil kəndində anadan olmuşdur. 1971-ci ildə Separadi kənd orta məktəbini bitirdikdən sonra Özbəkistanda Buxara İnşaat Texnikumuna daxil olmuşdur. Bir il sonra hərbi xidmətə çağrılmışdır. 1974-cü ildə hərbi xidmətini başa vuraraq, təhsilini davam etdirmişdir. 1992-ci ildə  Azərbaycan Kənd Təsərrüfatı Akademiyasını bitirmişdir.
Əmək fəaliyyətinə “Lənkəransutikinti” trestində mühəndis-texnik işləməklə başlamışdır (1976). Bir il sonra keyfiyyət üzrə nəzarətçi vəzifəsinə irəli çəkilmişdir.
Azərbaycan SSR Meliorasiya və Su Təsərrüfatı Nazirliyinin Lənkəran İstehsalat Birliyində suvarma üzrə istehsalat ustası, sahə rəisi (1979-1985), Azərbaycan SSR Səhiyyə Nazirliyinin Tikinti-Təmir Trestində əmtəəşünas, tikinti ustası, mühəndis (1985-1987), Neft məhsulları təchizatı bazasında aparıcı mütəxəssis (1987-1991), Lənkəran mexanikləşdirilmiş dəstəsində iqtisadiyyat üzrə direktorun birinci müavini (1991-1992), Lənkəran 3 nömrəli çay fabrikinin direktoru (1992-1998), Qızılağac Dövlət qoruğunun direktoru (1998-2005) işləmişdir. Texnik-mühəndis, aqronom, ictimai xadim, 2005-ci,2010-cu və 2020-ci illərdə 75 saylı Lənkəran – Masallı seçki dairəsindən Azərbaycan Respublikasının Milli Məclisinə millət vəkili seçilmişdir. Milli Məclisin İnsan hüquqları komitəsinin , ekologiya və təbiəti mühafizə üzrə daimi komissiyasının üzvüdür.
Milli Məclisin ekologiya və təbiəti mühafizə üzrə daimi komissiyasının üzvüdür. Parlamentin tribunasından ekologiyanın qorunması, təbiətin mühafizəsi ilə əlaqədar problem məsələlər qaldırmış və onların həllinə nail olmuşdur.
Özbək,Tacik,Rus,Fars dillərini bilir.Evlidir,3 övladı var.

***