Lənkəranda şəhid Hamid Əskərov küçəsinin asfaltlanması yekunlaşıb
Lənkəran rayonunun sosial-iqtisadi inkişafına dair Tədbirlər Planına uyğun olaraq növbəlilik əsasında cari ildə artıq sayca 7-ci küçə şəhid Hamid Əskərov küçəsinin asfaltlanması tamamlanıb. Asfaltlanması yekunlaşan digər küçələr şəhid Elnur Talıbov, Elşad Zeynallı və Orxan Quluzadə, Əli Məmmədov, Tofiq İsmayılov dalan 1, 20 Yanvar küçələridir.
Qeyd edək ki, il sonunadək daha 4 küçənin asfaltlanması nəzərdə tutulur ki, bunlar şəhid Emil Qurbanov və Ehtiram Hüseynov, Vaqif Hüseynov dalan 2 və Mirmustafaxan küçələridir.
Hazırda asfaltlanması nəzərdə tutulan 4 küçədə asfaltlanmaya hazırlıq işləri aparılır, hava şəraitinə uyğun olaraq işlərin yekunlaşması həyata keçiriləcək.
Şəhər sakinləri küçələrin asfaltlanmasını məmnuniyyətlə qarşılayır və cənab Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını bildirirlər.
