Xəzər dənizinin Lənkəran şəhərinin sahil zolağında iməclik keçirilib
13 avqust 2022 | 14:10
Hər il “Xəzər günü” kimi qeyd olunan 12 avqustda dənizin ətraf mühitin çirklənməsindən qorunması, bioloji ehtiyatlarının mühafizəsi və bərpası məqsədilə Lənkəran şəhərinin sahil zolağında iməclik təşkil olunub.
Ekologiya və Təbii Sərvətlər Nazirliyinin təşəbbüsü, Lənkəran Şəhər İcra Hakimiyyətinin tərəfdaşlığı və 1 saylı Regional Ekologiya və Təbii Sərvətlər İdarəsinin təşkilatçılığı ilə baş tutan ekoloji aksiyada 200 nəfərədək könüllü iştirak edib. Ərazidən bərk məişət tullantıları, plastik qablar və polietilen torbalar təmizlənib.Tədbirdə Ekologiya və Təbii Sərvətlər nazirinin müavini Vüqar Kərimov və Lənkəran ŞİH başçısının müavini Mikayıl Cəfərzadə də iştirak ediblər.
Keçidlər
