Vətən müharibəsi şəhidi Qardaşxan Əhmədlinin məzarı ziyarət edilib
20 dekabr 2024 | 15:17
Dekabrın 20-də Vətən müharibəsi şəhidi Əhmədli Qardaşxanın anım günüdür. Lənkəran Şəhər İcra Hakimiyyəti (ŞİH) başçısının Osakücə kənd inzibati ərazi dairəsi üzrə nümayəndəsi, Osakücə bələdiyyəsinin sədri və şəhid ailəsinin üzvləri Vətən müharibəsi şəhidi Əhmədli Qardaşxan Elxan oğlunun Xəzər rayonu Binə qəsəbə qəbristanlığındakı məzarını ziyarət ediblər, məzarı önünə gül dəstələri düzüblər, xatirəsini ehtiramla anıblar, ruhuna dualar ediblər.
Şəhid ailəsinin üzvləri də öz növbəsində göstərilən diqqət və qayğıya görə dövlət başçısı cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər.
Allah rəhmət eləsin!
Keçidlər
