Taleh Qaraşov şəhid Elməddin Məmmədli və Ramid Əliyevin anım günündə iştirak edib
26 oktyabr 2025 | 11:53
Oktyabrın 26-da Vətən müharibəsi şəhidləri Məmmədli Elməddin Ələddin oğlunun və Əliyev Ramid Kamal oğlunun anım günüdür. Lənkəran Şəhər İcra Hakimiyyətinin (ŞİH) başçısı Taleh Qaraşov, şəhər İcra hakimiyyəti aparatının kollektivi və ictimaiyyətin nümayəndələri şəhidlərin Göyşaban kənd və İstisu qəsəbə qəbristanlığındakı qəbrlərini ziyarət edib, məzarları önünə tər güllər düzüb, ruhlarına dualar ediblər.
Taleh Qaraşov şəhid ailələrinin üzvləri ilə söhbət edib, onların qayğı və problemləri ilə yaxından maraqlanıb.
Şəhid ailələrinin üzvləri cənab Prezident İlham Əliyevin və Birinci vitse-prezident Mehriban xanım Əliyevanın şəhid ailələrinə göstərdiyi diqqət və qayğıya görə onlara təşəkkürünü bildiriblər.
Allah rəhmət eləsin!
Keçidlər
