Taleh Qaraşov idmançılarımız Xasay Həsənli və Urfan Həsənli qardaşlarını qəbul edib

     İyulun 19-da Lənkəran Şəhər İcra Hakimiyyətinin (ŞİH) başçısı Taleh Qaraşov yunan-Roma güləşi üzrə 2024-cü ildə Bakıda keçirilən Avropa çempionatının qalibi Xasay Həsənli və 2024-cü ildə böyüklər arasında keçirilən  Azərbaycan çempionatında 2-ci yeri  tutumuş  Urfan Həsənli qardaşlarını qəbul edib.

    Lənkəran ŞİH başçısı Xasay və Urfan qardaşlarına Dövlət Bayrağımızı idman arenalarında ucaltdıqlarına və Dövlət Himnimizi səsləndirdiklərinə görə təşəkkür edib. Taleh Qaraşov idmanla məşğul olmağın pis vərdişlərdən uzaq qalınması üçün ən yaxşı vasitələrdən biri olduğunu vurğulayıb, ölkəmizdə gənc nəslin sağlam ruhda böyüməsi üçün dövlət başçısı cənab İlham Əliyevin və Birinci vitse-prezident Mehriban xanım Əliyevanın gördüyü işlərdən danışıb, idmanın inkişafı və idmançılara olan qayğının ən yüksək səviyyədə olduğunu vurğulayıb, peşəkar idmançıların yetişməsi üçün bütün lazımi şəraitin yaradıldığını, onların tam qayğı ilə əhatə olunduqlarını qeyd edib.

      İdmançılarımız Xasay və Urfan qardaşları da öz növbəsində qəbula və şəhər İcra hakimiyyətinin hər zaman diqqət və qayğısını hiss etdiklərinə görə Lənkəran ŞİH başçısı Taleh Qaraşova təşəkkür ediblər.

     İdmançılarımız onların fəaliyyəti üçün lazımi şəraitin yaradıldığını bildiriblər və dövlət tərəfindən fəaliyyətlərinə verilən yüksək qiymətə görə cənab Prezident İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.