Hindistanın səfiri Lənkəranda
10 fevral 2016-cı il tarixdə Hindistanın Azərbaycandakı fövqəladə və səlahiyyətli səfiri Sancay Rana Lənkərana tanışlıq səfərinə gəlmişdir. Səfir əvvəlcə Lənkəran Dövlət Universitetində rektorla görüşmüşdür. Görüş zamanı səfirə Lənkəran Dövlət Universiteti barədə məlumat verilmiş və təhsil, müəllim-tələbə mübadiləsi ilə bağlı əməkdaşlığın gələcək perspektivləri barədə fikir mübadiləsi aparılmışdır.
Sonra səfir Lənkəran Şəhər İcra Hakimiyyətinin başçısı Taleh Qaraşov tərəfindən qəbul edilmişdir. Qəbul zamanı İcra başçısı qonağa rayonun təbii-coğrafi mövqeyi, tarixi, iqtisadiyatı və mədəniyyəti barədə məlumatlar vermiş və Azərbaycan-Hindistan dostluq və əməkdaşlıq əlaqələri çərçivəsində Lənkəranla dost ölkə arasında iqtisadi-mədəni əlaqələrin və əməkdaşlığın qurulmasında, xüsusilə kənd təsərrüfatının çayçılıq bölməsinin inkişafı ilə bağlı təcrübə mübadiləsində maraqlı olduğunu bildirmişdir.
Səmimi qəbula görə İcra başçısına minnətdarlığını bildirən səfir qarşılıqlı olaraq bu fikirləri dəstəklədiyini, səfir olaraq bu əlaqələrin qurulmasında bütün imkanlardan istifadə edəcəyini söyləmişdir.
Görüşün sonunda səfirə yerli sənətkarların toxuduğu xalça hədiyyə olunmuşdur..jpg)
.jpg)
