“Lənkəran payızı-II" adlı Folklor Festivalının yekun turu keçirildi
Klub tipli müəssisələrin fəaliyyətinin təkmilləşdirilməsi və canlandırılması məqsədilə oktyabr ayının 13-dən etibarən Q.Vəliyev adına şəhər mədəniyyət mərkəzinin filiallarında "Lənkəran payızı-II" adlı Folklor Festivalının 1-ci turu keçirilmişdir. Festivalın birinci turunda uğurla çıxış edən klub müəssisələri festivalın yekun turuna vəsiqə qazanmışlar. Yekun tur 28 oktyabr tarixində Q.Vəliyev adına mədəniyyət mərkəzinin tamaşa zalında təşkil olunmuşdur. Festivalda 40-dan artıq klub müəssisəsinin folklor numayəndələri maraqlı konsert nömrələri ilə çıxış etmişlər. Festival saat 11:00-da başlanmış və 17:00-da başa çatmışdır. Münsiflər heyyətinin qərarına əsasən qalib olmuş klub müəssisələrinin nümayəndələrinə qiymətli hədiyyələr verilmişdir. Bu səpkidə tədbirlər bundan sonra da davam etdiriləcəkdir və noyabr ayında artıq sənətkarlıq festivalına start veriləcəkdir.
