İCRA BAŞÇISININ GÖYŞABAN KƏNDİNDƏ SƏYYAR QƏBUL-GÖRÜŞÜ

Lənkəran Şəhər İcra Hakimiyyətinin başçısı Taleh Qaraşov növbəti səyyar qəbul-görüşünü sentyabrın 18-də Göyşaban kəndində keçirdi.
Görüşdə İcra başçısının müavinləri, İcra Aparatının rəsmiləri, hüquq-mühafizə orqanlarının və bir sıra idarə, müəssisə və təşkilatların rəhbərləri iştirak edirdilər.
Görüşü giriş sözü ilə açan inzibati ərazi dairəsinin nümayəndəsi Ceyhun İmanov nümayəndəliyin Göyşaban və Ürgə kəndlərini əhatə etdiyini, ərazidə 5455 nəfər  əhalinin yaşadığını bildirdi.
Sonra kənd sakinləri çıxış edərək ilk növbədə  Ürgə kəndinə təbii qazın verilməsi ilə əlaqədar Azərbaycan Prezidenti cənab İlham Əliyevə, Lənkəran ŞİH-nin başçısı Taleh Qaraşova və “Azəriqaz” İstehsalat Birliyinin rəhbərliyinə bütün əhali adından minnətdarlıqlarını bildirdilər.
Görüş iştirakçıları oktyabr ayının 9-da keçiriləcək növbəti prezident seçkilərində dövlət başçısı İlham Əliyevin namizədliyini yekdilliklə dəstəkləyəcəklərini əminliklə söylədilər.
Lənkəran Şəhər İcra Hakimiyyətinin başçısı Taleh Qaraşov çıxışında bütün bölgələrdə sürətli inkişafın davam etdiyini  diqqətə çatdıraraq bildirdi ki,  həyata keçirilən bu və digər tədbirlər regionların sosial-iqtisadi inkişafına dair ikinci Dövlət Proqramı çərçivəsində icra olunur. Bu sürətli inkişafın Lənkəran rayonunda da aydın göründüyünü deyən İcra başçısı respublikamızda, o cümlədən rayonumuzda aparılan genişmiqyaslı tikinti, quruculuq və abadlıq işlərindən danışdı.
Görüşü yekunlaşdıran Taleh Qaraşov Ulu Öndərimiz Heydər Əliyev siyasi kursunun  cənab Prezident İlham Əliyev tərəfindən yeni müstəvidə davam etdirildiyini xüsusi vurğuladı. Xalqımızın milli maraqlarının daim qorunduğunu diqqətə çatdıran İcra başçısı dövlət başçımızı alternativi olmayan lider kimi səciyyələndirdi, möhtərəm İlham Əliyevin rayonumuza göstərdiyi diqqət və qayğıya görə bütün lənkəranlıları cənab Prezidentin ətrafında sıx birləşməyə çağırdı.
Sonda İcra başçısı bugünkü görüş zamanı qaldırılan təkliflərin icrası üçün əlaqədar təşkilat rəhbərlərinə konkret tapşırıqlarını verdi.
Görüşdə Milli Məclisin deputatı Rüfət Quliyev iştirak edirdi.