Heydər Əliyev Mərkəzində yay istirahət düşərgəsinin uşaqları üçün təqdimat keçirildi
12 avqust 2013 cü il tarixində Heydər Əliyev Mərkəzində ’’Azərbaycan-doğma diyarım’’ mövzusunda gənclər üçün təşkil edilən düşərgənin 5-ci qrup uşaqları üçün Mərkəzin rəsm studiyası üzvlərinin əl işlərinin təqdimatı təşkil olundu. Təqdimatda bildirildi ki , ’’Azərbaycan uşaqların gözü ilə’’ adlanan sərginin əsas leytimativi həvəskar rəssamların vətənə olan hiss və duyğularının tərənnümündən ibarətdir. Əsərlərdə xalqımızın öz müstəqilliyini qoruyub saxlamaq əzmi və tarixi yaddaş müxtəlif çalarlarla nümayiş etdirildi. Sonra Mərkəzin bələdçisi əsasən Qəbələ, Saatlı, Oğuz və Sabirabad rayonlarından olan iştirakçılara Ulu Öndərin ictimai-siyasi fəaliyyəti və milli mədəniyyətin inkişafı sahəsindəki xidmətləri barədə ətraflı məlumat verdi və onları elektron kitabxana ilə tanış etdi.
