HEYDƏR ƏLİYEV MƏRKƏZİNDƏ AÇIQ TARİX DƏRSİ KEÇİRİLDİ
22 aprel 2013-cü il tarixdə Heydər Əliyev Mərkəzinin elektron kitabxanasında “ Heydər Əliyev və milli mənəvi dəyərlər” mövzusunda açıq tarix dərsi keçirildi .Tibb kollecinin tələbələri üçün təşkil olunan dərsi Mərkəzin direktoru Seyidzadə Şəfiyeva aparmışdır. Ümummilli Lider Heydər Əliyevin milli-mənəvi dəyərlərimizin qorunub inkişaf etdirilməsi prosseslərində misilsiz xidmətlərini, respublikaya rəhbərlik etdiyi dövrlərdə milli ideologiyaya, xalqın mənəvi dəyərlərinə çox böyük önəm verdiyini vurğulamışdır.Dərsdə eyni zamanda Müstəqil Azərbaycan Respublikasında bütöv bir epoxanın Heydər Əliyevin adı ilə bağlı olduğu, xalqın tarixi ənənələrinin,mənəvi və mədəni irsinin qorunması sahəsindəki siyasi kursun bu gün ölkə başçısı cənab Prezident İlham Əliyev tərəfindən uğurla davam etdirildiyi qeyd olunmuşdur.Dərsdə tələbələri maraqlandıran suallar cavablandırılmışdır.Sonda dinləyicilər Heydər Əliyev irsini əks etdirən əsərlərlə, memorial muzey və video filimlə tanış oldular.
