Heydər Əliyev mərkəzində “Heydər Əliyev və Azərbaycanda gender siyasətinin inkişaf aspektləri” mövzusunda dəyirmi masa keçirilirmişdir.

Heydər Əliyev Mərkəzində Ulu Öndərin 90 illik yubileyinə həsr olunmuş xüsusi  tədbirlər planı hazırlanmışdır.Tədbirlər planında rayondakı dövlət qurumları və qeyri dövlət təşkilatları ilə birgə Ümummilli Liderin irsinin təbliği və tədqiqi ilə bağlı konfransların, dəyirmi  masaların,seminar-mühazirələrin,sərgilərin və mərkəzdən kənar səyyari tədbirlərin keçirilməsi nəzərdə tutulmuşdur. 13 mart 2013-cü il tarixində Heydər Əliyev Mərkəzinin təşkilati dəstəyi ilə   “Uşaq və ailələrə dəstək mərkəzi” ilə birgə “Heydər Əliyev və Azərbaycanda gender siyasətinin inkişaf  aspektləri” mövzusunda dəyirmi masa keçirilirmişdir. Dəyirmi masanı birliyin sədri İrada Axundova açaraq Öndərin ictimai-siyasi fəaliyyəti,onun Azərbaycan dövləti və xalqı qarşısındaki tarixi xidmətlərindən danışmışdır.Sonra Heydər Əliyev Mərkəzinin direktoru Seyidzadə Şəfiyeva ,rayon qadınlar şurasının sədri Elduzə Əhmədova, əlil qadınlar cəmiyyətinin  sədri Gülarə Vəliyeva,uşaq xəstəxanasının pediatrı Savad Abdullayeva, Gənclər və İdman İdarəsinin  əməkdaşı Gülnar Dadaşova, Psixoloq Günay Nəcəfova və Könül Manafova    respublika  Bəstəkarlar  İttifaqının  rayon   şöbəsinin  sədri  Zəminə  Əliyeva, şəhər 7 saylı məktəbin direktoru Ülviyyə Əliyeva,şəhər təhsil şöbəsinin əməkdaşı Cəmalə Sadıqova  və  başqaları  Heydər  Əliyevin  hakimiyyətdə  olduğu  illərdə Azərbaycanda  qadın  hərəkatının inkişaf mərhələləri , o cümlədən  qadınların  cəmiyyətdə  rolunun artırılması sahəsində dövlət səviyyəsində görülmüş işlərdən,Ulu  Öndərin  ”Azərbaycanda qadınların  vəziyyətinin  yaxşılaşdırılması barədə”  sərəncamı , “Azərbaycanda Dövlət Qadın  siyasətinin  həyata  keçrilməsi  haqqında”  fərmanı ,  dövlət    siyasətinin  daha mütəşəkkil  həyata  keçrilməsindən  ötrü   Qadın  problemləri  üzrə Dövlət Komitəsinin yaradılması və sair  məsələlərdən  söhbət  açdılar .
     Dəyirmi  masada  vurğulandı  ki,  republikada  müxtəlif  səviyyələrdə   qəbul olunan   qanunvericilik  aktları  qərar və  qətnamələr  Azərbaycanda  “Gender  bərabərliyinin    təminatları    haqqında”    qanunun   tələblərinə  uyğun aparılır . İştirakçılar bu gün Azərbaycanda   gender  siyasətinin  genişlənməsini   və  tariximizin  daha da   zənginləşməsini   vurğulamış,Ulu Öndərin     ruhu qarşısında   baş əydiklərini,  xatirəsini  daim əziz    tutduqlarını   bildirmişlər.