Lənkəranda Dövlət Bayrağı günü qeyd olunub

09 noyabr 2018 | 16:00

Noyabrın 9-da Lənkəran şəhərində Dövlət Bayrağı günü münasibətilə tədbir keçirilib.

Lənkəran Şəhər İcra Hakimiyyətinin, YAP Lənkəran şəhər təşkilatının və Lənkəran Dövlət Universitetinin birgə təşkilatçılığı ilə keçirən tədbir şəhərin Heydər Əliyev prospektində mitinqlə başlayıb. Dövlət himni ilə başlayan mitinqdə Lənkəran ŞİH başçısı Taleh Qaraşov çıxış edib, Dövlət Bayrağı gününün əhəmiyyəti barədə geniş nitq söyləyib. Natiq çıxışında Azərbaycanın dövlət bayrağının yaranma tarixi və rəmzi mənasını, dövlət atributu kimi bayrağın cəmiyyət həyatındakı rolunu xüsusi vurğulayaraq hər bir vətəndaşı dövlət bayrağına təzim etməyə, onu bütün varlığı ilə sevməyə və ona sədaqət göstərməyə çağırıb.

Sonra minlərlə tədbir iştirakçısı üçrəngli bayraqlarla Heydər Əliyev prospekti boyunda şəhərin Bayraq meydanınadək yürüş keçiriblər. Yürüş boyunca iştirakçılar “Üç rəngli bayrağımız heç zaman enməz”, “ Şəhidlər ölməz, Vətən bölünməz”, “Dövlət müstəqilliyimiz əbədi, dönməz və sarsılmazdır”,”Yaşasın müstəqil və və azad Azərbaycan” şüarları səsləndiriblər.

Keçidlər